有位中年女士入嚟好casual咁同我講佢個頭皮好痕，唔知係唔係濕疹。幫佢檢查頭皮巢亂佢D頭髮，見到冇甩頭皮，冇好似皮膚炎嘅紅點，但係我開始見到一粒粒白色嘅嘢黐住係髮根度。瀨嘢。我彈開幾步。跟住我問佢有冇接觸小朋友係最近生頭虱？佢先至話上個禮拜我個女咪生完囉！
！！！
點解呢一個唔係你第一句應該要同我講嘅嘢呢？點解要我問你你先同我講呢？我問佢有冇全家都用去頭虱嗰啲洗頭水，佢話唔需要因為我個頭唔痕囉。拿，佢唔係話冇睇到個說明話Close Contact都要洗。佢係話睇完跟住自己覺得唔需要洗呀！
！！！
人哋洗頭水個Instructions就係叫定你全家都要用因為Close Contact容易瀨嘢呀嘛！而家咪瀨嘢囉！唔係等你個頭痕先開始用啊大佬！我問佢有冇焗呀女啲衫褲鞋襪枕頭被鋪等等，佢e e 哦哦，話我陣間話返去焗。
我話你依家返去用支洗頭水，叫埋你老公叫埋你工人姐姐洗啦好唔好。之後先再去焗野。🤦🏽♂️🤦🏽♂️
永遠睇完呢啲症之後就覺得個頭好痕。
～～～～
哇哈哈繼續收禮物
Search